එක්සත් ජනපද ප්‍රහාරක ජෙට් යානා ඇලස්කාවට ඉහළින් පියාසරකල හඳුනා නොගත් වස්තුවක් පහරදී බිම හෙළා තිබේ. පෙන්ටගනය පවසන්නේ එය හඳුනාගැනීමෙන් පසුව ප්‍රහාර එල්ල කිරීමට ජනාධිපති ජෝ බයිඩන් නියෝගය ලබා දුන් බවයි. එම වස්තුව කුමක්ද යන්න අපැහැදිලි නමුත් නිලධාරීන් පවසන්නේ එය කුඩා මෝටර් රථයක් පමණ විශාල වූ බවයි. පසුගිය සතියේ එක්සත් ජනපද ප්‍රහාරක ජෙට් යානා දකුණු කැරොලිනා වෙරළට ඔබ්බෙන් වූ චීන බැලූනයක් පහරදී බිම හෙළා දැමුණු අතර චීන රජය පැවසූවේ එය කාලගුණය නිරීක්ෂණය කිරීම සඳහා යැවූ උපකරණයක් බවයි.
උතුරු ඇමරිකානු අභ්‍යවකාශ ආරක්ෂක විධානය විසින් රේඩාර් පද්ධති මත වස්තුවක් හඳුනාගෙන ප්‍රහාරක ගුවන් යානා භාවිතයෙන් වස්තුව තවදුරටත් විමර්ශනය කර හඳුනා ගත් බවට පෙන්ටගනය ට තොරතුරු ලබා දුන්නේය. එය කුමක්ද, එය කුමන රටකින් පැමිණියේද, එය අයිති කාටද, එහි අරමුණ කුමක්ද සහ එය කිසියම් ආකාරයක ආරක්ෂක තර්ජනයක් එල්ල කළේද යන්න ඔවුන් නොදනී. මෙම වස්තුව අඩි 40,000ක් පමණ උසින් පැවතීම සහ සිවිල් ගුවන් යානාවල ආරක්ෂාවට තර්ජනයක් වූ නිසාත්, පොළව මත කිසිදු හානියක් සිදුවීමේ අවදානමකින් තොරව එය බිම හෙළීමට හැකියාව තිබුණු නිසා, එක්සත් ජනපද බලධාරීන් එය පහරදී බිම හෙලීමට වේගයෙන් පියවර ගත් බව පෙන්ටගනයේ ප්‍රකාශක බ්‍රිගේඩ්‍රියර් ජෙනරාල් පැට්‍රික් රයිඩර් මාධ්‍යට පැවසීය.
Comments
Post a Comment