තුර්කි සිරියා භූකම්පනයෙන් වාර්ථාවූ මරණ සංඛ්‍යාව 21000 ඉක්මවයි

                       තුර්කියේ සහ සිරියාවේ භූමිකම්පාවලින් මියගිය පුද්ගලයින්ගේ සංඛ්‍යාව 21,000 ඉක්මවා ඇති අතර. ආධාර සැපයීමට බාධා නොකරන ලෙස එක්සත් ජාතීන්ගේ සංවිධානය දෙරටේම රජයන්ගෙන් ඉල්ලා සිටී. තව දුරටත් තුර්කියට සහ සිරියාවට එක්සත් ජාතීන්ගේ ආධාර පැමිණෙමින් තිබේ. භූමිකම්පාවෙන් පැය 100කට වැඩි කාලයක් ගතවී ඇතත් ගලවාගැනීමේ කණ්ඩායම් තවමත් දිවි ගලවා ගත් අය සෙවීමේ නිරතව සිටිති. විනාශ වූ ප්‍රදේශ  වල සුන්බුන් අතර, බ්‍රිතාන්‍ය සහ ජර්මනියෙන් පැමිණි කණ්ඩායම් ප්‍රදේශයේ ජනතාව සමඟ එක්ව දිවි ගලවා ගත් අය සෙවීම සඳහා  උත්සහ කරමින් සිටිති. ශීත කාලගුණය නොතකා බොහෝ පිරිසක් බේරා ගැනීමට ඔවුන් සමත් වී තිබේ. මළ සිරුරු සොයා ගැනීමත් සමඟ මරණ සංඛ්‍යාව ඉහළ ගිය අතර තවත් මළ සිරුරු කොපමණ සොයා ගත හැකි දැයි පැවසිය නොහැකිබව ඔවුන් ප්‍රකාශ කරයි. සුන්බුන් අතර සිටින බවට විශ්වාස කරන පුද්ගලයන් ගලවාගැනීමේ කටයුතු රාත්‍රියේ අඛණ්ඩව සිදුවන නමුත් තවත් දිවි ගලවා ගත් අය සොයා ගැනීමේ අවස්ථාව වඩ වඩාත් හීන වෙමින් පවතී.

 

 සිවිල් යුද්ධය

 වසර 12ක සිවිල් යුද්ධය හේතුවෙන් සිරියාවේ තත්ත්වය වඩාත් සංකීර්ණ වී තිබේ. උතුරු සිරියාවේ භූමිකම්පා කලාපය  සිරියාවේ ජනාධිපති බෂාර් අල්-අසාද් ගේ රජයට එරෙහිව සටන් කරන කණ්ඩායම් විසින් පාලනය කරනු ලබන අතර එක්සත් ජාතීන්ගේ ආධාර රථ පෙළ සඳහා දැනට විවෘතව ඇත්තේ එක් දේශසීමා හරස් මාර්ගයක් පමණි. තුර්කි ජාතිකයන් සහ සිරියානුවන් වසර ගණනාවක් ඇන්ටාකියාවේ එකට ජීවත් වී ඇති අතර, තුර්කියේ සිටින මිලියන 3 ක සිරියානු සරණාගතයින් බහුතරයක් භූමිකම්පා කලාපයේ සිටිති.