වොෂින්ටන් පෝස්ට් පුවත්පතේ වාර්තාවකට අනුව,
යුක්රේන හමුදාව එක්සත් ජනපදයේ නිෂ්පාදිත කාලතුවක්කු
පද්ධති වලින් සිදුකරන සෑම රොකට් ප්රහාරයකටම පාහේ
පෙන්ටගනයෙන් නිශ්චිත ඛණ්ඩාංක ඉල්ලා සිටින අතර,
ඒම ඉලක්ක ලබාගැනීමෙන් පසු එම ප්රහාර එල්ල කරන
බව වාර්තා වෙයි.
යුක්රේන නිලධාරීන් තිදෙනෙකු සහ එක් ජ්යෙෂ්ඨ එක්සත්
ජනපද යුධ හමුදා නිලධාරියෙකු ඇමරිකාවේ මැදිහත්වීම
පිලිබඳව නිර්නාමිකව වොෂින්ටන් පෝස්ට් පුවත්පතට
ප්රකාශයක් සිදුකර ඇත. එක් යුක්රේන නිලධාරියකු සඳහන්
කර ඇත්තේ , එම සෑම ක්රියාවක් සම්බන්ධයෙන්ම ඇමෙරිකානු
සෘජු මැදිහත් වීමක් ඇති බවත්, යුක්රේන හමුදා
වෙත දිගු දුර රොකට් ලබාදීමට අදහසක් ඇති බවත් ය.
ජ්යෙෂ්ඨ එක්සත් ජනපද යුධ හමුදා නිලධාරියා පවසා සිටියේ
යුක්රේන හමුදා විසින් ඉලක්ක තෝරා ගත් බවත්, GPS
කංඩාංඛ මෙහෙයවීම් සහිත යුධෝපකරණවලින් උපරිම ප්රයෝජන
ගැනීම සඳහා ඇමරිකානු පාර්ශවය හුදෙක්
බුද්ධි තොරතුරු ලබා දුන් බවත් ය. නමුත් යුක්රේන නිලධාරීන්
පැවසුවේ එක්සත් ජනපදය ඉල්ලා සිටින පරිදි
ඛණ්ඩාංක සැපයීමට අපොහොසත් වූ විට, යුක්රේන හමුදා
ප්රහාර එල්ල නොකරන බවයි.
රුසියාවට එරෙහිව යුක්රේන හමුදාවට එක්සත් ජනපදය M142
ඉහල සංචලතාවක් සහිත රොකට් කාලතුවක්කු
පද්ධති ( High Mobility Artillery Rocket System (HIMARS) )
සපයා ඇති අතර එක්සත් රාජධානිය M270
බහු දියත්කිරීම් රොකට් පද්ධති
Multiple-Launch Rocket System (MLRS) ලබා දී ඇත.
මෙම පද්ධති දෙකටම විවිධ වර්ගයේ රොකට් ප්රහාර එල්ල කල
හැකි නමුත් එක්සත් ජනපදය දිගු දුර යුධ
උපායික මිසයිල පද්ධති Army Tactical Missile System (ATACMS)
ලෙස හැඳින්වෙන උපායශීලී බැලස්ටික්
මිසයිල සැපයීම ප්රතික්ෂේප කර ඇත. වොෂින්ටනය වාර්තා කරන පරිදි
යුක්රේනය රුසියාවේ ඉලක්ක වෙත
බැලස්ටික් මිසයිව ප්රහාර එල්ල කරනු ඇතැයි යන සැකය
ඇමෙරිකාවට ඇති අතර යුක්රේනය එම සීමාව ඉවත්
කිරීම සඳහා උත්සාහ කරමින් සිටී.
එසේ සිදු වුවහොත් රුසියානුවන් එක්සත් ජනපදයට එරෙහිව
සයිබර් ප්රහාරයක් දියත් කරන බවට ප්රකාශකර ඇත.
Comments
Post a Comment