ඇන්කෝර් වොට් පන්සල් සංකීර්ණය අසල අනවසර පදිංචිකරුවන් නෙරපා හැරීමට කාම්බෝජියානු රජය සැලසුම් කරයි.

 

කාම්බෝජියානු සුප්‍රසිද්ධ ඇන්කෝර් වොට් උරුමය
සංරක්‍ෂණය කිරීමට පන්සල් සංකීර්ණය අසල
පදිංචිවී සිටින අනවසර පදිංචිකරුවන් නෙරපා
හැරීමට කාම්බෝජියානු රජය සැලසුම් කරයි.
පන්සල් සංකීර්ණයේ පිහිටි ජනාවාස ඉවත්
කිරීමට රජය සැලසුම් කර ඇති හෙයින් දහස්
ගණනක් ජනයා විශාල අපහසු තාවයන්ට මුහුණ
දෙමින් සිටී.
අවිධිමත් ජනාවාස කසළ නිෂ්පාදනය කරමින්
හා ජල මූලාශ්‍ර අධික ලෙස භාවිත කරමින්
ප්‍රාදේශීය පරිසරයට හානි කරන අනවසර
පදිංචිකරුවන් ගෙන ගොස් නටබුන් ආරක්ෂා
කිරීමට බලධාරීන් ක්‍රියා කරන බව පවසා ඇත.
          

ඔවුන්ගේ නිවස කඩා දැමූ පසු,
පදිංචිකරුවන් කිලෝමීටර් 25ක් (සැතපුම් 15ක්)
පමණ දුරින්, දැනට ඉදිකිරීම් භූමියක්ව පවතින
පැරණි වී වගා කරන ලද ප්‍රදේශයක් වන
රන්ටා එක් (Run Ta Ek) හි පදිංචි කරනු ඇත.

මෙසේ නැවත පදිංචිකරන පවුල්වලට මීටර් 20 ත්
30 ත් අතර ඉඩමක්, ඩොලර් 350 ක මුදලක්, ටකරන්
සෙවිලි ද්‍රව්‍ය සහ සුබසාධන කාඩ්පතක් සඳහා ප්‍රවේශය
ලබා දෙන නමුත් ඔවුන් ඔවුන්ගේම නිවාස ඉදිකර
ගත යුතුය.

වසංගතයට පෙර, ඇන්කෝර් වොට් හි නටබුන්
වූ විහාරස්ථාන නැරඹීම සඳහා සෑම වසරකම
මිලියන දෙකකට අධික විදේශීය සංචාරකයින්
පිරිසක් පැමිණියහ.
සංචාරක වෙළඳාම වෙළඳ කුටි හිමියන්, ආහාර
සහ සිහිවටන වෙළෙන්දන් සහ යාචකයින්ගේ
ක්ෂුද්‍ර ආර්ථිකයක් ඇති කළ අතර, දේශීය ජනගහනය
1990 දශකයේ මුල් භාගයේ 20,000 සිට
2013 වන විට 120,000 දක්වා වර්ධනය විය.